पोराला शेतात राबताना पाहिलं पण नात झाली PSI, शेतकरी आजोबांचे डोळे पाणावले – News18 लोकमत

छत्रपती संभाजीनगरमध्ये सुरुवातीला क्लास लावून त्यांनी एमपीएससीचा अभ्यास केला. त्यानंतर आणखी चांगली तयारी करण्यासाठी पुणे गाठलं. पूजाच्या या कष्टाचं अखेर चीज झालंय. त्यांनी पीएसआय परीक्षेत 372 वा रँक मिळवत यश मिळवलंय.
आईनं मोलमजुरी करून दिलं शिक्षण, पीएसआय बनतं सुनीलनं साकारलं स्वप्न Video
‘माझ्या या यशामध्ये माझ्या कुटुंबीयांचा खूप मोठा वाटा आहे. त्यामुळे मी हे यश त्यांनाच समर्पित करेल.एमपीएससीची तयारी करताना तुमच्याकडे सातत्य, चिकाटी आणि संयम या गोष्टी असल्या पाहिजेत. याच गोष्टी तुम्हाला इथे टिकवून ठेवतात आणि पदापर्यंत पोहोचवतात. नवीन विद्यार्थ्यांना माझे एकाच सांगणे आहे की, मोठी स्वप्न बघा कधीही परिस्थितीचा बाऊ करू नका. सातत्याने प्रयत्न करा यश आपल्याला नक्कीच मिळते. मी याचं उत्तम उदाहरण आहे,’ असं पूजानं सांगितलं. आपल्या नातीने मिळवलेल्या यशाने पूजा भुटेकर यांच्या आजोबांचा कंठ दाटून आला होता. मुलीने मिळवलेल्या यशाने माझा ऊर भरून आलाय. मला शब्द सुद्धा फुटत नाहीत. पोरीने आमचा नाव काढलं याचा अभिमान असल्याचे पूजाचे आजोबा गुलाब भुतेकर यांनी सांगितले.

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.